التشخيص الذاتي لسرطان الثدي

اليوم ح احكي عن موضوع بخص السيدات بنسبة 99.9% ، ويمكن معظمكن سمع أو بيعرف سيدة عانت من كتلة بالثدي وفي بعض الحالات كان الحل الوحيد استئصال الثدي بشكل كامل .
الهدف من هالمشاركة منع الوصول لهيدي المرحلة بإذن الله من جهة ومن جهة تانية توضيح أفكار ممكن تكون غامضة بالنسبة لأورام الثدي ، هلق لمحبين الانكليزي هيدا اسموا breast cancerولمحبين العربي فممكن يتابعوا معي ،
أورام الثدي عموماً حميدة والمقصود ب حميدة يعني بيكفي يستأصل الكتلة يلي ما ح تتجاوز 1 سم لحتن تنحل المشكلة، بس في نسبة 15% من كتل الثدي بتكون خبيثة يعني خلايا الكتلة ح تتكاثر بشكل شديد جداً وبالنهاية حتتوفى المريضة من اختلاطات هيدا الورم.
وللأسف 1 من كل 8 نساء ح تعاني من كتلة بالثدي ، ولهالشي ضروري كل السيدات يتعلموا شي عن هيدي الكتل ، والخبر السعيد انو من الممكن انو السيدة تفحص نفسها لوحد وتكشف أي تغير مهما كان بسيط وبالتالي تراجع الأطباء بأبكر وقت ممكن ت جنب نفسها النتائج السيئة لتأخر التشخيص.
الصورة التالية حتوضح هيدا الشي هي كبيرة شوي والأفضل تحملوها تتنقرأ بسهولة، وأي سؤال أنا بالخدمة .
ملاحظة: الصور مأخوذة من مراجع لمنظمة الصحة العالمية وقد أعدت ترتيبها بعد الترجمة والتنسيق
تحياتي

حسن

hgjaodw hg`hjd gsv'hk hge]d

any question , just ask

معلومات مهمه الله يكفينا شره

ويبعده عناا ..

يسلموووا خيو ماقصرت الله يعطيك العافيه

مية السلامة خيتو مون لايت شرفتي